قربان بایرامی
بیرده گورسه یدیم سنی رویاده قربان بایرامی
حسرتیم قالمازدی بو دنیاده قربان بایرامی
***
حضرت ابراهمین سنسن اوجالدان شهرتین
سن اونون آرتیردین عالمده جلالین دولتین
بیر سنه تاپشیردی گئتدی بیر مسلمان امتین
اولموشوق ارثآ سنه دلداه قربان بایرامی
***
کوز اونوندن گئچمشم سینمیش ته کرتک فیرلانیر!
سانکی امیریمله یئنه کئف مجلسیم حاضر لانیر
توستو قالخیر دالبادال شیشلیک گلیر مانقال یانیر
گزدیریر معشوقم الده باده قربان بایرامی
***
ایندیده فکریمده دیر برک ایشمیشم کله م دولی
مجلیسیمده قوولادیم بایرام گونی بیر یوخسولی
نه کباب وئردیم نه وئردیم بیر قه پک بایرام پولی
آجلیقیندان باشلادی فریاده قربان بایرامی
***
مجلسیمده جورلادیم وارلیدی بگ خان بوسبوتون
لایقی یوخدو بیزه هر یوخسولون هر بیر قولون
یوکسه لیردیک گوگلره چیخدیقجا مانقالدان توتون
فخر ائدردیم من سنینله آده قربان بایرامی
***
ایندی تئیلم چئوور یلیب دنیا دگیشمیش سر بسر
وارنه قرباندان نه شیشلیکدن نه مانقالدان اثر
کهنه عادتلر پوزولدی من قوجالدیم مختصر
دوشمه ییر ایللرجه اصلآ یاده قربان بایرامی

                                                        شعر:واحد