آنا محبتی
نقل ائدرلر که منی دوغدو آنام
دئدی به به نه گوزل دیر بو بالام
دولانیب باشیمه پروانه کیمی
چکیب آغوشینه دوردانه کیمی
سوتیله قووه وئریبدیر اتیمه
دؤزوب ایللر اوزونی زحمتیمه
دییب آهنگ ایله لای لای سوزونو
یاتیدیب یوممویوب او هئچ گوزونو
سویله ییب آغلاما قوربان جانینا
گلرم ایسته سن هر آن یانینا
منی گولدورمک ایچون پیخ پیخ ائدیب
چاخچاخی الده توتوب چیخ چیخ ائدیب
یئریه ن وقته توتوبدور الیمی
آچیب اوز دوغما دیلینده دیلیمی
اورگدیب بیلمه دیم کلمه لری
آنا یوردومدا اولان نغمه لری
مندن اوتری اویون اسبابی آلیب
گاه گولوب گاه گوتوروب فیشقا چالیب
قویماییب اوز باشیما تک دولانام
اورگه دیب دیر کی وئرم خلقه سالام
تاپشیریب حورمت ائله یولداشینا
مهریبان اول باجینا قارداشینا
سالمیشام محنته گر چه آتامی
سئویرم هم آتامی هم آنامی
دئیه رم بو سؤزو عشقیله هر آن
جانیم اولسون سنه قوربان آنا جان
