تانيش كوچه لرينده آتديقيم آدديملار اوچون سنده ياشایاجاقام.
سنده آنام،آتام یوردو اولدوغونا گؤره ياشاياجاقام.
آدين ديللرده يادين كؤنلومده، اؤزون باشيم آلتيندا كؤلگه ن باشيم اوسته،آياقلاريما نده ن چكيبسن قاندال، بوراخساندا ياشاياجاقام.
بير توريستين سوروشدوغو آدرسه وئردييم جاوابا، كوچه لرينده گزدييم زامان قارشيما چيخان بير تانيشين وئردييي سالاملاري اوچون ياشاياجاقام.
کدلر قاباغيندان كئچه نده باشيمي اوجا توتوب غرورلا گزميشم، میدان دا گولوب مچيدده آغلاميشام؛ سنده حالدان حالا قالديغيم اوچون ياشاياجاقام.
آتام زحمتله تاپان بوغدا اوچون،آنام یانا یانا پیشیرن دسته نه چورک اوچون،سنده یاشایاجاقام.
سويوق گئجه لريوين يوموشاق گوندوزونه گؤره، ايستي گونلريوين سرين گئجه لرينه تامارزي قالميشام. قارانليق گئجه لرينده قوردون سسیله يوخودان ديك قالخيب بير شام يانديريب سندن يازماق اوچون ياشاياجاقام.
سنده اوجالان باشلار وار،سنده جیران لار گزن داغلار وار،سنده بلاغلار وار چایلار وار،سنین قوینون دا یاتان اییدلر وار،سنده غارتالار سیر اده ن بولوتلار وار،سنده یردن جوشان بال بولاخلار وار،سنده نه لر یوخ کی!؟ سني تانيديقجا ياشامالي اولورسان منیم گوزل آستمالم.
سنين باشين دووندیل داغین تک اوقدر اوجاديركي اليم چاتمايير داها باشيوي اوجالدام اولورسا قويلانام آياقلارين آلتيندا بلكه ده اوجالا باشين ياشامالي آستمالیم
بیز بیرده بیر اولوب یاشایاجاقخ،بیز آستمال آدینی گینه ده دنیا دا یایاجاقخ.
بیز بیر ملتوخ،بیرلیخ دا گینه آستمال دا یاشایاجاقخ.
